w-inds. Live Tour 2009 “SWEET FANTASY” in Hong Kong 2009.11.06 呢一日夜晚, 我同Grace約好一齊去灣仔會展看w-inds.既演唱會 鍾意左w-inds.6年同等左甘耐 w-inds.終於黎香港開第一次既演唱會na!!! 而他們亦都兌現左佢地既諾言---黎香港開演唱會~ 我永遠都唔會忘記呢一個晚上 因為實在非常x100000難忘... 七點鐘我地就已經去到灣仔地鐵站 比預期早左半個鐘到 去到會場之後 就已經見到買週邊既隊好長 以為龍尾無盡頭 好彩一條係入場 一條係買goods姐=) 經過一番決定之後 最後買左set慶太既相同埋黑色T-shirt (超級感謝grace借左你件中碼T-shirt我試T_T) 最後成交$400 (買完之後先覺得貴*v*) 入到hall之後 臨開始之後 D背景音樂搞到我越來越緊張 越來越興奮 個心卟卟卟甘跳 當燈光熄哂之後 淨低既就係粉絲們開著左既藍色螢光捧 一片藍海 超令!! 難怪三子會希望我地用藍色螢光捧拉lol 正式開始拉! 三子都著住西裝帶著帽同埋面具出現係舞台上 唱住CAN’T GET BACK (很有意思的一首歌!) 之後佢地除下面具 露出佢地既真面目 啊~ 慶太既cool樣立即迷死我拉! 幾首歌之後 唱唱下歌慶太突然之間除低頂帽 最殺死人既就係佢係到搞頭髮 呼~ 搞到我完全難以透氣! 慶太唱唱下又突然黎d sexy死人既動作---拿起件衫show腹肌 我又尖叫拉! 慶太既一舉一動都吸引住我 佢傻笑我都會跟住佢笑 佢左w手勢我又會跟住佢左 哈 感覺真係覺得好正! 慶太係MC果陣 多次抑頭, 笑住、好滿足甘用廣東話講”好開心!” 聽到真係開心死我! 佢唱キレイダ果陣 佢本應唱“君のわキレイダ” 之後佢改唱做”君わ好靚呀”(妳好靚呀) 哇~ 身為女粉絲既我地 聽到真係冧死 (暈) 三子encore左2次 三人都著住慶太設計既T-shirt 見到佢地著 都好想要返件 可惜攤檔果度無得買*v* 第一首EC係四季 我最鍾意既一首歌! 如果無甘rock我會更鍾意 佢地唱”so I cannot forget four sesons we’ve lived in”果陣 仲以為佢地會做four season既動作添 不過我都羅住螢光捧做=P 慶太係”so I cannot forget four sesons we’ve lived in”果陣遞咪比我地唱 我好用力甘唱 因為呢首歌實在太正拉! Boogie Woogie 66 又好似上次pop rock gala果陣甘 一到” Boogie Woogie 66”果陣遞咪 又係好大聲甘嗌 唔記得錯到邊首EC 慶太突然係台側邊羅條毛巾抹汗 果刻我都已經估到佢想做咩 果然不出我所料---掉落台! 如果我係果位接到毛巾果個粉絲就好啦T_T 最後, 三子換上藍色jacket既服裝 顯得佢地超帥、超sharp 以新歌”New World”作為第二次encore 亦都係整個演唱會既最後完美既結束 3子係兩個鐘頭既演唱會總共唱左22首歌 真係不愧為我既偶像! 可以連續不停2個鐘載歌載舞 佢地專門為左今次香港演唱會而改動左之前係日本開演唱會d歌 更動之後大部分都係舊歌 三子真係好為我地著想呢! Song list: 【香港セットリスト】
CAN'T GET BACK
Top secret
Yes or No
Don't Remind Me
LOVE IS THE GREATEST THING
Beautiful Life
【ＭＣ】
キレイだ
ハナムケ
HYBRID DREAM
You Are...
Deny
Hush...!
涼平ソロダンス
GAME
龍一ソロダンス
Crazy for you
慶太ソロダンス
【ＭＣ】
SUPER LOVER～I need you tonigth～
IT'S IN THE STARS
Rain Is Fallin'
【アンコール】
四季
Endless Moment
ブギウギ６６
Everyday
【ダブルアンコ】
New World http://www.youtube.com/watch?v=uVpbVIITbUk 係呢個星期入面 我依然仲high緊~ 上次pop rock gala我都high左成個星期XD 希望三子下年能夠再黎香港開演唱會 我會等你地架! (kiss) p.s. 隊長涼平有講今次香港演唱會會收錄係今年既演唱會DVD度 希望成場都會收錄na (期待中...) 以上 da!sy 2009.11.13 | 
